قصـــــه تمووووت من الضحك

السلام عليكم لاااتفووووتكم القصه

اقروا القصه كامله
يقول واحد..



جلس ذاك الرجال على السرير الابيض ... في احد المستشفيات في السعوديه

وكان كل جسمه شاش ورجلينه كلها جبس

وما تسمع الا اه واوه واي

مغير يون من الاوجاع اللي فيه

عاد انا قلت يمكن انه مسوي حادث قوي

او انه محترق او او او ... الخ

المهم جت الساعه 4 العصر

وبدا وقت الزياره

انا استغربت من شي غريييييييب مااااااااره

كل من جاء يزور هالشخص يطلع من عنده ميت من الضحك

انا جاني الفضول وقلت وش السالفه

وعلى هالحال كل من جاء وسلم عليه ما تسمع الا ضحكهم من ورا الستاير

انا قلت لازم اعرف وش السالفه

انتهى وقت الزياره

وانقز له على طول

واتشافا له واقوله الحمد لله على السلامه

عسى ماشر

وانا كل همي اعرف ليش يضحكون :

المهم قلت له: انا اشوف اللي يجونك ما يرحون من عندك الا و ضحكهم

واصل اخر المستشفى ...

قال لي : هههههههههه ليـش عاد أنت حاسدنا على الضحكه ..

. قلت له : لا يـا أخوي مب كذا السالفه والله لو عندك مليون كان يمكن أحسدك! ...

بس اضحكوا عادي خذوا راحتكم بس بغيت اعرف السر يعني ... اذا ما عندك مانع ...

قال لي : طيـب ولا يهمك ... انت مثل ما تشوفني مكسر ومربط بالشاش ...

قلت له : اي والله ... الله يشفيك ...

قال لي : يا طويل العمر انا ساكن في شقه في الدور الثاني ... وعندي بلكونه مامن زيـنها ...

واذا نمت فتحت باب البلكونه .. وطفيـت النور ... وتسدحت على السرير ...

ويوم نمت على السرير ... وغصت في اعماق اعماق نومي ... حلمت اني في يوم القيامه ...

وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات

رايحه للنار !!! .... المهم الجماعه ينادون بالاسامي .. فلان بن فلانه باص النار ...

فلان بن فلانه باص الجنه .. وهكذا

فلان بن فلانه ...هه هذا اسمي ... وقلبي يـدق و يـدق... رووح باص الجنه .... اووووووووووووه الحمد

لله ارتحت

ومشيـت ادور على الباص اللي مكتوب عليه الى الجنه ... وحصلته ودخلت فيه ...

مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا )

وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني ....

شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ...

يا رجال وش السالفه .. المشكله الناس ساكتيـن وما حد قلق في الباص الا انا .....

قلت بدخل عالسواق وشفته معطيني ظهره ... هئ هئ أنت وين رايح ؟؟؟!!!!!!!!! ...

قال لي بدون ما يلتفت : رايح النار يا حبيبي ..... قلت له : ايـش انا من اهل الجنه .. وليـش

توديني النار يا وجه النحس !!!....

والتفت لي ... طلع هو ابليس !!! .. الله يلعنك ... انا من اهل الجنه .. يا ملعون لا توديني النار ..

انا من اهل الجنه .... والله العظيم اني من اهل الجنه ... تو من شوي قايلين اسمي ...

وقف يا ملعون .. وقف يا ملعون ... وهذا انا

أصورخ... وهو بانواع الضحكات الشريره ... نياهاهاهاهاها نياهاهاهاهاهاها نياهاهاها

. .. قلت له يا ملعون وقف !!! أبي انزل !!! ... قال :

والله الباص هذا مبرمج على انه ما يوقف الا في النار ... تبي تنزل أقفز منه ....

وركضت على الباب وفتحته ... وهوووووووووووووووووووووووووووو ووووووووووووو وووب


ولا وعيت الا في المستشفى ... قافز من البلكونه ... في الحوش !!!!
.................................................. ........................

القصة صحيحه ... وحصلت لواحد كان منوم في مستشفى المجمعه العام منقول